Pas shumë muajsh mungese, Princesha e Uellsit Kate Middleton bëri paraqitjen e saj të shumëpritur publike në eventin Trooping the Color më 15 qershor 2024. Ngjarja u ndoq me interes nga publiku, sidomos për shkak të fshehtësisë që ka rrethuar betejën e princeshës me kancerin. Kate kishte veshur një kostum elegant të bardhë, por ndjekësit vunë re se flokët e saj ishin më të errët dhe më pak të gjallë se zakonisht.
Gazeta El Nacional citon stilisten Annita Ruiz të ketë konfirmuar se Kate Middleton mbante një paruke në këtë dalje publike, me qëllim fshehjen e efekteve anësore të kimioterapisë. I njëjti burim pohoi se grimi i saj zgjati më shumë se dy orë. Për më tepër, make up-i, rrobat, aksesorët ishin zgjedhur posaçërisht për të fshehur shenjat e sëmundjes dhe trajtimin dhe për të parandaluar spekulimet e mëtejshme. Përpos parukës, Middleton duket se kishte vënë edhe qerpikë fallso, sërish edhe në këtë rast për të fshehur efektet e kimioterapisë, e cila mund të shkaktojë rënie të tyre.
