Meritoni Mjekiqi konfirmoi se fundi atë që në mediat rozë perflitej prej disa kohësh: Ndarjen me gazetaren Ilnisa Agolli. Në një intervistë, moderatori pohoi se aludimet janë 100% të vërteta, teksa tha se arsyet e ndarjes mbeten private.
“Unë kam qenë brenda asaj shtëpie, kam vepruar në mënyrën që unë jam ndjerë. Ka qenë shumë e bukur dhe realisht nuk do ndërroja as pikë dhe as presje. Si është pritur nga publiku është e tyre. Ca të tjerë e kanë mirëpritur shumë mirë, ca të tjerë jo. Gjithçka ka qenë reale, kështu ka shku, kështu ka rrjedhë e kështu ka qenë. Aludimet janë 100% të vërteta, arsyet e ndarjes janë private, i uroj më të mirat Ilnisës, suksese, shëndet”, tha Meritoni për ‘Prive’.
Pas këtyre deklaratave ka reaguar edhe vetë Ilnisa. Ajo ka publikuar një foto me bagazh, duke na lënë të kuptojmë se po shkon diku për pushime dhe se ndarja, nuk e shqeteson aspak!
