Në një reality show ku shpesh dominon drama, intriga dhe konflikti, ndonjëherë vlera e vërtetë qëndron në heshtje, në karakterin e qëndrueshëm, në humorin që lehtëson tensionin dhe në përkushtim. Ndër personazhet që ka spikatur dhe vlerësohet nga publiku për këto është Big Basta.
Që në ditët e para të fermës, Big Basta solli me vete një energji ndryshe. Ai është një personazh që e mbush hapësirën me të qeshura dhe batuta pa e tepruar kurrë. Në një ambient ku stresi dhe lodhja janë të pranishme çdo ditë, humori i tij është një dhuratë për të gjithë fermën.
Ndryshe nga shumë të tjerë, Big Basta nuk është përfshirë në intriga apo aleanca të fshehta duke qenë i qartë dhe i drejtë në qëndrimet e tij. Njerëzit e ndershëm mund të mos bëjnë gjithmonë më shumë zhurmë, por ata lënë më shumë gjurmë.
Pavarësisht se është një emër i njohur në muzikën shqiptare, Big Basta ka treguar respekt për çdo detyrë dhe punë që i është dhënë në fermë. Nga pastrimi, tek përkujdesja për kafshët, tek përballimi i sfidave fizike, ai ka dhënë maksimumin, pa ankesë. Ky është modeli që publiku duhet të shpërblejë.
Përtej ekranit, përtej famës dhe muzikës, Big Basta është mbi të gjitha një baba i përkushtuar. Në Ferma VIP, ai e ka përmendur shpesh djalin e tij, duke folur me dashuri dhe krenari. Në çdo kujtim që ndan, ndihet lidhja e fortë emocionale dhe ndjenja e përgjegjësisë prindërore. Nuk është rastësi që publiku e sheh atë si një burrë familjar me vlera të forta, një model i shëndetshëm që shpesh mungon në botën e showbiz-it.
Big Basta nuk është thjesht një konkurrent në një reality show, ai është një figurë e dashur publike me një karrierë të gjatë në muzikë dhe një jetë familjare që reflekton vlera. Në një kohë kur shumë figura publike përpiqen të tërheqin vëmendje me skandale, ai ka zgjedhur të qëndrojë i qetë, i balancuar dhe me dinjite, kjo është diçka që duhet vlerësuar.
Big Basta ka fituar zemrat e publikut dhe jo me fjalë të mëdha, por me sjellje të vogla që flasin shumë. Në një reality show ku të gjithë luajnë një rol, Big Basta ka zgjedhur të jetë ai vetë dhe kuptohet që kjo është arma e tij më e fortë.
