G Bani gjatë qëndrimit në shtëpinë e “Big Brother VIP” ka shprehur një pëlqim për Danjën, edhe pse ajo është në një lidhje romantike jashtë.
Së fundmi në Fan Club u diskutua raporti i tyre, pasi Danja tha se po i pengon kjo gjë, duke ditur se është e lidhur dhe gjatë programit u publikua një fotografi e G Banit me ish-të dashurën e tij suedeze.
Kjo pasi reperi i kishte thënë vazhdimisht Danjës se po ngjason me ish-partneren që ka patur. Duket se kanë një ngjashmëri në dukje, marrë parasysh që të dyja janë bionde.
Gjithsesi gjatë spektaklit të kësaj të shtunë, reperi tha se do të tërhiqet dhe nuk do t’ia shpreh më pëlqimin që ka ndaj saj.
