Vanessa Bryant është e njohur gjerësisht si e veja e të ndjerit të Lakers dhe superyllit të NBA, Kobe Bryant. Ajo ishte bnjë balerinë kur u takua me Kobin ndërsa ai ishte në një studio regjistrimi duke xhiruar një video për albumin e tij debutues muzikor dhe vetëm gjashtë muaj pas takimit me njëri-tjetrin, çifti u fejua.
Ajo ishte 17 vjeçe dhe Kobe 21 në kohën kur u takuan dhe martesa e tyre nuk u miratua nga familja e Bryant dhe as agjenti i tij. Mosmiratimi erdhi kryesisht për shkak të moshës së saj në atë kohë, sepse ajo ishte ende maturante në shkollë të mesme dhe Kobe ishte gati të bëhej një nga lojtarët më të mirë të NBA.
Ata dëshmuan se të gjithë e kishin gabim dhe vazhduan të krijonin një familje të bukur me katër vajza. Vanessa Bryant mori përsipër shumë nga bizneset e Kobe pas vdekjes së tij dhe mbikëqyr Fondacionin Sportiv Mamba dhe Mambacita, duke shërbyer gjithashtu si CEO dhe president i Granity Studios.
Vanessa Bryant ka një vlerë neto prej 600 milionë dollarësh, sipas Celebrity Net Ëorth, që ishte vlera neto e raportuar e Kobe në kohën e vdekjes së tij.
Bryant fitoi një proces gjyqësor kundër departamenteve të Sherifit dhe Zjarrfikësve të Los Anxhelosit për fotografitë e bëra nga zyrtarët në të cilat tregoheshin në mënyrë eksplicite eshtrat e bashkëshortit dhe vajzës së saj të ndjerë. Fotot thuhet se u kaluan dhe u shfaqën mes disa zyrtarëve në të dy departamentet.
