Për të përgatitur Chicken Avocado roll, një recetë e shijshme nga Yamato ju duhen këto përbërës:
Përbërësit:
Oriz Japonez 180 gr
Pulë (fileto) 100 gr
Mitsukan (uthull) ¼ e gotës
Teriyaki (salcë) ¼ e gotës
Kastravec 40 gr
Avokado 40 gr
Mango 40 gr
Kastravec 40 grm
Nori (algë) 1 fletë
Për servirje: Wasabi, Ginger, salcë soje
Përshkrimi
Marrim Algën (nori), të cilën e vendosim mbi kashtore, ku paraprakisht e kemi veshur me qese kuzhine (pelikul), për tu siguruar që orizi nuk do të ngjitet në të. Vendosim orizin, të cilin e kemi zier për 15 minuta dhe përgatitur me uthull mitsukan. Orizi duhet të jetë i njëtrajtshëm, dhe hapja në gjithë Algën bëhet me majat e gishtave dhe lehtësisht, që të ruhet forma e orizit. Pastaj Algën e kthejmë nga ana tjetër, duke kthyer poshtë orizin dhe lart Algën.
Fillojmë me vendosjen ose shtrimin e përbërësve. Ku fillimisht fileton e pulës e kemi kaluar në zgarë dhe e presin në copa të holla dhe të gjata. Gjithashtu avokadon, kastravecin dhe mangon e presim në të tillë formë. I vendosim njëri pas tjetrit të gjithë përbërësit. Pastaj fillojmë procesin e mbledhjes (roll), i cili duhet bërë avash pa ushtruar shumë presion, në mënyrë që roll të jetë sa më i shkrifët.
Pas përfundimit të makit (roll), vendosim sipër copëza të holla avokadoje, për ti dhënë një pamje më të bukur pjatës. Më pas bëjmë prerjen në pjesë të barabarta, e ndajmë në 8 pjesë. Tani vendosim makin (roll) në një pjatë, koha për ta dekoruar si të dëshironi për ta bërë sa më të bukur për syrin. Shoqërohet me wasabi, ginger dhe salcë soje.
