Kanë mbi një vit që janë bashkë, e gjithë bota e di mbi lidhjen e tyre, madje edhe babai i Meghan Markle ka dhënë tashmë bekimin… por asnjë propozim për martesë nuk duket në horizont nga ana e Princit Harry për aktoren e “Suits”.
Megjithatë, princi nuk ka probleme përkushtimi. Arsyeja e kësaj vonese është vëllai i madh i Harry-t, William, dhe bashkëshortja e tij, Kate Middleton, të cilët janë në pritje të fëmijës së tretë.
Sipas Daily Mail, princi ose princesha e ardhshme pritet të lindë në prill 2018, dhe deri në atë kohë, princit Harry nuk i lejohet të marrë vëmendjen e shtypit, duke lidhur kurorë me aktoren Meghan Markle.
Megjithatë, ata kanë vendosur të bashkëjetojnë përpara se të martohen zyrtarisht. Ky është skenari më i mirë për çdo çift përpara se të hedhin hapin e madh, e Harry dhe Meghan Markle nuk janë më ndryshe!
