Sado e talentuar dhe me karakter të fortë të jetë Dafina Zeqiri, këngëtarja nuk e ka pasur të lehtë në fillimet e saj, siç tregon ajo për “TMI”.
Duffy tregon se nuk ka pasur mundësi të shkonte në studio për të realizuar këngët e saj, pasi i mungonin paratë.
“Të gjithë fëmijët e tjerë kishin muzikën në sfond nëpër festivale, balerinët e tyre, ndërsa unë detyrohesha të këndoja acapella”. – rrëfen ajo. – E detyroja motrën time të më ndihmonte, por ajo nuk e bënte dot zërin në sfond dhe shpesh vinte në nivelin tim.”
Megjithatë, Dafina i vlerëson fillimet e saj, pasi e përgatitën për më të keqen.
Sot, Duffy po shijon suksesin e “Told Ya”, dhe gjithashtu ka përgatitur albumin “King” në gjuhë angleze. Para pak ditësh, këngëtarja dha intervistë edhe për prestigjozen “Harper’s Bazaar”.
