Tenistja e njohur Serena Williams vuri kurorë me partnerin e saj Alexis Ohanian të enjten e kaluar, në New Orleans, në një ceremoni madhështore në praninë e shumë miqve dhe personaliteteve të shquara, duke përfshirë yje të tillë si Beyoncé me nënën dhe motrën, Kim Kardashian, Ciara dhe Eva Longoria.
Megjithatë, nuk e kishim parë unazën e saj të martesës, deri ditën e sotme, kur ajo ndau një foto të adhurueshme të vajzës së saj dy-muajshe Alexis Olympia, ku duket qartë edhe guri gjigand i unazës.
Duhet të themi madje që unaza rrëmbeu vëmendjen e fansave nga vogëlushja!
Unaza ka një gur diamanti me prerje emerald, shoqëruar me një rreth përjetësie . Porositur posaçërisht për Serenën, stolia e mrekullueshme mban vlerën prej 2 milionë dollarësh.
Ashtu si unaza e denjë për një princeshë, edhe dasma e Serena-s me partnerin Alexis ishte frymëzuar nga filmi “E bukura dhe Bisha”, bashkë me fustanin e bardhë mbretëror “Alexander McQueen” të superstarit të tenisit.
Megjithatë, t’i lëmë mënjanë detajet e dasmës dhe unazës luksoze të Serena-s, dhe le të flasim për vogëlushen e saj tani: A nuk është e adhurueshme?
