Pak ditë më parë, vajza e Barack Obama-s, Malia Obama habiti publikun amerikan me puthjen e saj pasionante me një djalë, në kampusin e universitetit të Harvardit. Krahas kësaj, ish-Vajza e Parë (dhe ish-vajza model) u pa me një cigare në dorë, duke i komplikuar ca më tepër punët, kuptohet, nëse prindërit e saj nuk janë në dijeni.
“Daily Mail” i ka hyrë gërmimeve dhe ka mundur të zbulojë se kush është djali që ia ka rrëmbyer zemrën Malia-s, dhe “dhëndri” i ish-presidentit të SH.B.A.-së.
Ai quhet Rory Farquharson, është 19 vjeç dhe vjen nga Britania e Madhe. Rory vazhdon studimet për drejtësi në Harvard, në vitin e tij të dytë. Familja e tij është mjaft e pasur, dhe burimet brenda në universitet thonë që është “goxha djalë”.
Të paktën duket një djalë serioz, nisur nga shkolla që frekuenton dhe familja nga vjen. Obama mund të rrijë i qetë deri këtu!
Nuk dihet se si arriti Rory t’ia fitonte zemrën një ndër vajzave më të famshme të SH.B.A.-së, por me siguri ka ndihmuar theksi i tij britanik, mjaft i preferuar nga vajzat amerikane.
