Meghan Markle ka sjellë një tjetër frymë në familjen mbretërore.
Në daljen e parë zyrtare për vitin 2018 krah princ Harry-it, aktorja ka shkëlqyer me pamjen e saj: një pallto ngjyrë bezhë Smythe, bluzë të Marks & Spencer, pantallona Burberry, një palë vathë të Burks. Nuk është e nevojshme që t’ju themi se të gjitha këto firma regjistruan shitje shumë të mëdha, pasi të gjitha vajzat duan të duken si aktorja. 
Por ajo që të gjithëve u bëri përshtypje ishte modeli i flokëve: të kapura në mënyrë të çregullt topuz. Nuk është aspak ai modeli i flokëve që jemi mësuar ta shohim tek Dukesha Kate, të krehura më onde në fund, shumë natyrale, megjithatë ajo dukej shumë e bukur dhe kjo zgjedhje e saj u prit shumë mirë.
Mesa duket Meghan ka zgjedhur që të qëndrojë më afër me popullin se sa të ruaj imazhin tipik të një anëtareje të familjes mbretërore.
