Robert Aliaj është një ndër personazhet më të komentuar shqiptar, e kjo edhe për faktin se ai është një artist mjaft kontrovers. Jemi mësuar gjithmonë me anën kritike të tij, të cilën nuk e ka kursyer asnjëherë në panelin e jurisë së ‘Dance with me’. E ndërsa po flasim për “Dance with me”, duket se bashkëpunimi i artistit me televizionin Klan do të vazhdojë.
I ftuar në emisionin “Zonë e Lirë”, të Arian Çanit, Roberti jo vetëm që ka konfirmuar se do të vazhdojë të jetë pjesë e ekranit, por edhe më shumë akoma. Aktori do të ketë një program të ri, i cili do të nisë së shpejti, ku moderator do të jetë Robert Aliaj.
Nuk u dha asnjë detaj se për çfarë bëhet fjalë, apo se çfarë natyre do të ketë programi i ri, por që tani jemi bërë shumë kurioz të dimë shumë.
