Një spanjolle me pamje ëngjëllore, një nënë e përkushtuar, buddhiste dhe vegjetariane. Këto janë tre cilësitë e Alejandra Silva, të cilën aktori hollywoodian Richard Gere e priti dje në altar.
“Jam njeriu më i lumtur në univers” – është shprehur Gere duke thënë se tek Alejandra Silva ka gjetur partneren e tij të jetës.
“Ndihem si në përralla. Jam gruaja më me fat” – ka deklaruar edhe aktivistja 35 vjeçare Alejandra Silva.
Të dy janë njohur në Positano, ndërsa Gere qëndronte në hotelin e familjes së tij. “Shkëndija lindi që në shikimin e parë, dhe ishte menjëherë dashuri.” – ka thënë për mediat ylli 68 vjeçar.
Çifti ka shkëmbyer unazat në fermën e Richard Gere, në periferi të New York, në stil indian.
Aktori amerikan ka lënë prapa dy martesa të tjera, me Cindy Crawford (1991 -1995) dhe Carey Lowell (2002 -2016).
Le të shpresojmë që kjo të jetë e treta e vërteta!
