Aktorja e famshme Angelina Jolie që pas divorcit të saj më Brad Pit po lufton shumë me të gjitha format për të marrë kujdestarinë e plotë të fëmijëve. Por pengesa e radhës ështe pikërisht avokatja e saj.
Mësohet se avokatja e Angelinës, Laura Wasser do ta braktisë çështjen, dhe jo vetëm kaq, por ajo nuk ka nguara të bëjë publik edhe arsyen e dorëheqjes të saj. “Është bërë shumë e keqe, kam frikë se kjo histori nuk do përfundojë shumë mirë”, ka deklaruar avokatja për Angelina Jolie.
Ndërkohë Angelina po bashkëpunon me një firmë tjetër ligjore që të marrë përsipër çështjen e kujdestarisë të fëmijëve, kur Laura të japë dorëheqjen zyrtarisht. Ndërsa divorci nuk është akoma në rrugën e duhur…
Burime familjare kanë treguar për TMZ se Angelina po tregohet shumë mizore. Nga ana tjetër një prej miqve të Brad Pitt ka treguar se ajo dëshiron që t’ia shkatërrojë marrëdhënien e ish-bashkëshortit të saj me fëmijët.
“Ajo është ushqyer me urrejtje dhe po arsyeton në mënyrë qesharake”, tregojnë të afërm pranë aktorit Brad Pit.
