Dizajneri me famë botërore Philipp Plein nuk është përmbajtur aspak në postimet më të fundit bërë në llogarinë e tij në Instagram. Në një seri videosh e fotosh, Plein nuk ka kursyer askënd që blen produkte të markës së tij që janë joorigjinale dhe fake. Dhjetra imazhe njerëzish të thjesht që kanë guxuar ta etiketojnë atë në veshjet e tyre, duke mos i pasur ato autentike dhe origjinale, stilisti i ka publikuar dhe komentuar pa u kursyer aspak.
Në mesin e fotove të të rinjve publikuar nga Philipp Plein janë edhe djem e vajza nga Shqipëria e Kosova, që kanë rënë në syrin e stilistit të njohur gjerman.
Sikur të mos mjaftonte demaskimi në InstaStory, 40-vjeçari ka bërë një përmbledhje të demaskimeve në një postim në llogarinë e tij që ndiqet nga plot 1.4 milionë njerëz.
“PHILIPP PLEIN po vjen pas jush! #FUCKtheFAKES !!! Ky mesazh shkon për të gjithë klounat që shesin, prodhojnë ose blejnë produkte fake!!!! Blerja, shitja dhe prodhimi i rreme është një “KRIM SERIOZ” !!!!! Ju jeni duke tradhtuar dhe vjedhur nga të gjithë njerëzit që punojnë për markat origjinale !!!!! Argumenti që mospasja e parave për blerjen e produktit origjinal nuk i jep askujt të drejtën për të blerë produkte të rreme! Prodhimet e rreme prodhohen nga kompani dhe fabrika ilegale të cilat nuk ndjekin asnjë standard etnik ose udhëzime në drejtim të cilësisë, sigurisë dhe të drejtave të njeriut! Nëse mbështetni prodhimin e rreme duke blerë prudukte fake……. ju bëheni kriminel gjithashtu! Unë kam krijuar një markë nga e para, të gjithën vetë, pa ndihmën e askujt …… Unë nuk lejoj askënd të vjedh prej meje, atë për të cilën kam punuar 20 vitet e fundit !!!!”– shkruan stilisti i cili nuk ka kursyer as komentet në secilën prej fotove.
