Duket se puntata e sotme e “Soiree” në Top Channel do t’i kushtohet festës së Halloween, ku të ftuarit gjatë bisedës do të rrëfejnë histori të frikshme.
Ndërsa për ndonjë të ftuar drejtuesit kanë menduar ndonjë rreng të frikshëm për t’i trembur, duket se edhe pse ishte në dijeni moderatorja Jonida Shehu ka rënë vetë pre e një rrengu që ishte menduar për Renato Mekollin.
Shehu ka ndarë një video në Instagram, ku duket momenti i shpërthimit të një flake të papritur, duke e frikësuar pa masë moderatoren.
“Kështu na gjeti Halloween në Soiree. Këtë shpërthimin e kishim programuar për të trembur Renato Mekollin dhe unë kisha qenë në prova (isha në dijeni të plotë) dhe për pak vdiqa nga frika”; ka shkruar Jonida përbri videos
Epo gëzuar Halloween-in Jonida!
