U mbushën plot tre vjet nga aksidenti fatkeq me motor që i mori jetën këngëtarit Ergi Dini dhe shokut të, Kejdi Halili, në moshën 21 vjecare. I ati e Ergit e kujtoi këtë ditë me një poezi mjaft prekëse për të birin e humbur tragjikisht. Ergit, në tre vjetorin e largimit; Ergi Dini, kundër aksidenteve, ka shkruar ai në rrjetet sociale, dhe më tej vjen poezia:
Ka 3 vjet,
Që ditët e mia të përcëlluara nga malli
Janë nxi
E janë ba muzgje.
Ka 3 vjet
Që rri I varur në litarin e durimit
Tuj vezhgu
Yjet që bien nga qielli
Me shpresë se njëri nga ata
Je Ti
Që po kthehesh.
Ka tre vjet
Që Nana jote
E përhumbur
Nën vellon e bardhë
Të një ëndrre të lashtë nënash
Përgatit një dasëm
E prêt një nuse…
Që kurrë s`do të vijë.
Unë endem e endem,
Qiejve të verbër të netëve
Për me mujt me gjet
Yllin e shuar të Fatit Tand,
e me ndez edhe një herë
me flakët e mallit..
Nuk vonoi, dhe e motra, Barbana publikoi një foto të Ergit në profilin e saj në Instagram, në kra të të cilës shkruante: “3 vite pa ty o gjysma shpirtit! 3 vite e humbur,3 vite duke genjyer veten cdo dite…Si mundesh te jetosh TI vetem neper kujtime?!”.
