Emri i tij lidhet ngushtë me sukseset e Kombëtares Shqiptare të futbollit, e si i tillë Gianni De Biasi është një personazh shumë i dashur për shqiptarët.
Duke qenë se ish-trajneri ka qëndruar për 6 vite në Shqipëri, ai ka krijuar një lidhje të veçantë me vendin tonë. I prekur për tërmetin e tmerrshëm të 26 nëntorit, De Biasi ka vendosur të japë kontributin e tij për t’i ardhur në ndihmë shqiptarëve në këto ditë të vështira.
Nëpërmjet një video mesazhi, ish-drejtuesi i Kombëtares ka ftuar miqtë e tij të huaj të japin fonde që do të shkojnë në ndihmë të të prekurve nga tërmeti.
“Përshëndetje të gjithëve! Miqtë e mi të “Bici e Solidarieta’ Carovigno” organizojnë të shtunën, më 14 dhjetor, një takim bamirësie në favor të njerëzve të goditur nga tërmeti në Shqipëri. Ju ftoj të merrni pjesë sa më shumë, për të dhënë edhe ne kontributin tonë. Edhe një herë faleminderit dhe forca Shqipëri!”.- shkruan ish-trajneri krahas videos.
De Biasi ka qenë kapiten i Kombëtares Shqiptare nga viti 2011 deri në 2017-ën.
