Kantautori Elton John duket se nuk po kalon një periudhë të mirë shëndetësore, që ka ndikuar drejtpërdrejt edhe në karrierën e tij. Teksa ndodhej në një koncert në Zelandën e Re këtë të dielë, John 72 vjeç u detyrua ta linte performancën në mes, pasi nuk po mundej dot më të këndonte.
Teksa ndodhej i ulur në piano, Sër Elton John për disa çaste përkuli kokën dhe u pa të derdhte lot; ai nuk mund të këndonte pasi po ndjenkte se nuk kishte zë.
“Kam humbur tërësisht zërin tim. Nuk mund të këndoj. Duhet të shkoj, më vjen keq”; u dëgjua të thoshte muzikanti i njohur, teksa publiku që kishte mbushur stadiumin Oklandit nisën të brohorasin e të thërrisnin emrin e tij, teksa 72 vjeçari po largohej nga skena.
Prej kohësh Elton John vuan një lloj pneumonie jo te zakonshme, një infeskion në mushkëri shkaktuar nga baktere.
