Princi Albert i Monakos ka rezultuar pozitiv në testin e bërë për koronavirusin. Lajmi është konfirmuar nga pallati mbretëror, ndërsa autoritetet thanë se sundimtari 62-vjeçar i është nënshtruar testit të Covid-19 në fillim të kësaj jave.
Infektimi i Princ Albert është i pari në radhët e një kreu shteti. Ky lajm vjen 9 ditë pasi monarku është fotografuar duke qëndruar përballë me Princ Charles në një event bamirësie në Londër.
Pallati mbretëror tha që shëndeti i Princ Albert nuk lë vënd për shqetësim duke thënë se ai po vazhdon të punonjë nga shtëpia e tij private.
Sidoqoftë, ai po monitorohet nga mjeku i tij personal dhe nga specialistët në Qendrën Spitalore “Princesha Grace”, e cila mban emrin e nënës së tij Grace Kelly.
Albert ka nxitur 39,000 banorët e Monakos që të respektojnë rregullat e karantinës për të ndaluar përhapjen e virusit, thuhet në një deklaratë.
Ashtu si në Francën fqinje, shkollat dhe çerdhet në Monako janë mbyllur dhe bizneset jo thelbësore janë urdhëruar të mbyllen.
Restorantet, kazinotë, kafenetë, sallat e koncerteve, kinematë dhe klubet e natës, të gjithë duhet të mbyllnin dyert e tyre, ndërsa dyqanet ushqimore, farmacitë dhe bankat janë ende të hapura.
Galeria fotografike
Horoskopi sot: E enjte 19 mars 2020
Për herë të parë: Anullohet Eurovison 2020
Horoskopi ditor: E enjte – 19 mars 2020
