Ermal Meta artisti shqiptar që prej vitesh jeton në Itali, aty ku edhe u bë i njohur si një prej këngëtarët më të mirë italianë, sa i përket jetës private nuk ka pëlqyer të jetë shumë i hapur publikisht duke preferuar që jetën private ta mbajë në kuptimin e plotë të fjalës të tillë.
Ndonëse Meta e ka nisur karrierën muzikore që prej vitit 2006 për çështjet e zemrës së djaloshit simpatik nuk kemi ditur asgjë…të paktën deri sot.
U desh ditëlindja e 30-të e partneres së Ermalit që publiku të njihet me vajzën që i ka vjedhur zemrën muzikantit të talentuar e që me siguri do të jetë shpesh edhe muza e tij.
“Ke lindur 30 vite më parë, në këtë datë. Duhet të ketë patur shumë diell atë ditë”; shkruan këngëtari shqiptar përbri fotos së shkrepur në një moment përkëdheljesh me të dashurën e tij.
Edhe pse vetë Ermali nuk zbuloi detaje rreth identitetit të parnteres, nga komentet nën foto mësuam se vajza quhet Chiara dhe punon si menaxhere sportive.
