Festivali i famshëm i Sanremos është caktuar të zhvillohet në datat 2 deri në 6 mars të 2021. Dhe njëherë protagonist i saj, do të jetë prezantuesi i njohur Amadeus. Ai është shprehur se ashtu si vitin e kaluar do të jetë i rrethuar nga prani të ndryshme femërore. Në edicionin e kaluar në skenë përkrah Amadeusit u ngjit dhe prezantuesja jonë e talentuar Alketa Vejsiu.
“Këngët e prezantuara janë trefishi i vitit të kaluar,- shprehet moderatori, – pak a shumë 300 këngë. Dhe shumica e tyre janë vërtetë të bukura. Asnjë këngë nuk flet për Covidin, falë zotit”- ka siguruar Amedeusi. Po a do të zhvillohet festivali në prani të publikut? Amadeus shpreson se epidemia të jetë nën kontroll, për të bërë të mundur një gjë të tillë. “Një gjë është e sigurtë, që askush do të ngjitet në skenë, pa patur njëri përpara. Ndoshta nga njëmijë vende të paktën 400 të jenë të zëna,” ka thënë ai.
