Vezët e Pashkëve janë një ndër elementët tradicionalë më domethënës të kësaj feste. Në përgjithësi vezët kanë qenë symbol I fertilitetit dhe rilindjes, dhe për Krishtërimin, sanë symbol I rilindjes së Jezusit. Ato nisën të lyheshin me të kuqe për të kujtuar “gjakun e tij”. Sot megjithatë, janë shumëngjyrëshe, dhe me zbukurime sipas dëshirës, si shenjë e gëzimit dhe haresë së kësaj feste. Ka disa mënyra sakaq, për të arritur lyerjen e tyre natyrale dhe pa kimikate. Sipas agroëeb.com, kjo metodë natyrale ju lejon të përgatisni vezë të bukura dhe shumë të sigurta për t’u ngrënë pa pasur nevojën e përdorimit të ngjyruesve me kimikate.
Ngjyrosja e vezëve në mënyrë natyrale bëhët pikërisht në proçesin e zierjes së tyre.
Për t’i përgatitur ato, zgjidhni sasinë e vezëve që doni të ngjyrosni dhe vendosini në një tenxhere të madhe.
Mbusheni tenxheren me rreth 1 litër ujë dhe vëreni në zjarr për t’u zier. Vezët duhet t’i zieni për 12 minuta ose derisa të shikoni që kanë marrë ngjyrën e dëshiruar. Gjithsesi kujdesuni të mos i zieni shumë në mënyrë që të mos prishen.
Pasi të zgjidhni sasinë e vezëve filloni të zgjidhni mes perimeve çajrave apo erëzave me ngjyra që keni në shtëpi.
Më saktësisht do të gjeni më poshtë përbërësit përkatës për çdo ngjyrë.
Të verdha
Për vezë të verdha hidhni në tenxhere teksa ato ziejnë 2-3 lugë gjelle turmerik dhe përziejini mirë.
Jeshile
Ngjyrosja e vezëve jeshile përfitohet nga spinaqi apo majdanozi, mund të zgjidhni një tufë sa dora për t’a hedhur në tenxhere.
Të kuqe
Vezë të kuqe ose rozë mund t’i përfitoni nga lakra e kuqe të cilën mjafton t’a lini të zihet bashkë me vezët.
Hidhni në tenxhere 2-3 gjethe të mëdha lakër.
Portokalli
Për vezë portokalli përdorni disa fletë lëkurë qepe, pak a shumë lëkurën e një ose dy qepësh.
Një tjetër mënyrë është edhe ajo me specin e kuq të bluar duke hedhur 2-3 lugë gjelle në texhere.
Kafe
Për të përfituar vezë kafe mund të përdorni kakao apo kafe të bluar.
Mjafton të hidhni 2-3 lugë dhe ta përzieni me kujdes në ujë.
Këshilla gjatë zierjes
Një këshillë e mirë është t’i lyeni pak me uthull para se t’i zeni ndërsa menjëherë pas zierjes lyejini me vaj ulliri.
Ky proçes do t’i bëjë ato të shkëlqejnë gjatë gjithë kohës.
Për ta bërë ngjyrën të zgjasë më shumë shtojini vezëve pasi përbërësit të kenë lëshuar ngjyrë edhe një lugë çaji uthull.
Kjo do të fiksojë ngjyrën e vezëve tuaja.
