Incidenti i ndodhur ditën e djeshme në Tiranë teksa një 32 vjeçar u fut me makinë në mes të Sheshit Skëndërbej është kthyer në fenomen botëror. Një person është futur sot me makinë mespërmes sheshit “Skënderbej” duke rrezikuar jetën e qytetarëve duke bërë manovra të rrezikshme përgjatë hapësirës së saj.
Video gjatë së cilës një kalimtar i rastësishëm Klodiani 22 vjeçar realizoi një hedhje spektakolare duke u futur nga dritarja e makinës për të ndaluar agresorin, ka bërë xhiron e rrjetit.
Video është shpërndarë edhe nga BBC nga ku ka marrë miliona shikime dhe vlerësime nga komentuesit e shumë për guximin e djaloshit 22 vjeçar që evitoi një ngjarje që mund të kishte pasoja.
