Një letër në orët e vona në rrjetin social instagram shkruar nga partneri i Hueyda El Saied ka prekur thellë zemrat e ndejkësve. Një postim i gjatë që nis me mbishkrimin ‘nga Gabriel dhe Thierry’ në shenjë falenderimi për gjithë dashurinë dhe keqardhjen që shqiptarët kanë shprehur për humbjen e parakohshme të artistes.
“Dhimbja është ende e pamatshme dhe trishtimi kaq i thellë, por unë dhe Gabriel duam t’ju falenderojmë për gjithë simpatinë e treguar dhe dallgët e dashurisë për Hueyda-n, dashurinë gjithpërfshirëse duke nisur që nga Tirana e saj e në të gjithë pjesët e tjera të botës. Faleminderit!
Hueyda u largua si një yll vezullues me kokën lart pas një lufte të egër! Ajo tregoi kurajo dhe forcë absolute pa u ankuar kurrë! Hueyda rrëmbeu admirimin e të gjithëve ne, por mbi të gjitha atë të dy fansave të më të mëdhenj në këtë luftë: Gabrielin dhe timen, dy dashuritë e saj.”- shkruan ndër të tjera partneri i artistes së ndjerë.
Hueyda El Sayed u nda nga jeta në moshë 46 vjeçare pas një beteje 1 vjeçare me kancerin e gjirit. Ajo la pas djalin 7 vjeçar Gabriel.
