Kamala Harris krijoi imazhin e një gruaje të denjë për Shtëpinë e Bardhë; të përgatitur e të fortë, por njëkohësisht edhe me zemër të madhe e të ndjeshme gjatë njerëzve. Duket megjithatë, se zv/presidentja amerikane nuk është tamam ashtu sic është përpjekur të shfaqet në publik. Një ish punonjëse deklaroi se Harris e ka trajtuar shumë keq stafin e saj.
“ Ndihmësit në zyrën e saj duhej të duronin një sasi të vazhdueshme kritikash që u shkaktonin edhe stres të vazhdueshëm emocional”, tha ajo për The Washington Post. Ky pohim vjen një javë pasi Symone Sanders, zëdhënësja kryesore e Harris, dha dorëheqjen e po kështu pritet të largohen edhe Peter Velz, drejtori i operacioneve të shtypit dhe Vince Evans, zëvendësdrejtori i Zyrës së Angazhimit Publik dhe Çështjeve Ndërqeveritare.
Edhe ish punonjës të tjerfë e portretizojnë në mënyrë aspak positive atë që u përshkrua si “ylli i demokratëve” në presidencialet e fundit. Sipas tyre, Harris refuzonte analizimin e materialeve informuese të paraqitura nga punonjësit, dhe dukej e papërgatitur, përfundonte duke kritikuar stafin.
“Me Kamalën duhet të durosh një sasi konstante kritikash që shkaktojnë stres të madh dhe gjithashtu duhet të merresh me mungesën e vetëbesimit të saj. Kështu që vazhdimisht je duke mbështetur një bullizuese dhe nuk është vërtet e qartë pse,” thanë ata. Të gjitha këto lëvizje kanë shqetësuar demokratët pasi hedhin hije dyshimi mbi mundësinë që Kamala të kandidojë në të ardhmen për presidencën amerikane.
