Alec Baldwin ka fshirë llogarinë e tij në Twitter, disa ditë pas intervistës së tij në ABC në të cilën ai foli për të shtënat fatale në xhirimet e “Rust”.
Gjatë intervistës, e cila u transmetua më 2 dhjetor, Baldwin pohoi se ai nuk e tërhoqi këmbëzën në armën mbështetëse që vrau kineasten e filmit Halyna Hutchins dhe plagosi regjisorin Joel Souza.
Që nga mbrëmja e së dielës 5 dhjetor, llogaria e Baldwin @alecbaldwin nuk ekziston më në këtë platformë. Aktori e kishte përdorur atë llogari, e cila ekzistonte përpara se të ndodhnin të shtënat, për të bërë edhe përditësime rreth incidentit.
Kujtojmë që më 22 tetor, aktori postoi në Twitter: “Nuk ka fjalë për të përcjellë tronditjen dhe pikëllimin tim në lidhje me aksidentin tragjik që i mori jetën Halyna Hutchins, një gruaje, nëne dhe kolege e jona e admiruar. Unë jam duke bashkëpunuar plotësisht me hetimin e policisë për të adresuar se si ndodhi kjo tragjedi”.
