Klea Huta dhe Elgit Doda janë një nga çiftet më të pëlqyer të showbizit shqiptar. Ata prej kohësh po jetojnë një histori të bukur dashurie dhe prej viti e gjysmë janë bërë prindër të një djali, duke krijuar në këtë mënyrë një familje të bukur.
Së fundmi moderatorja ka zhvilluar një bashkëbisedim me ndjekësit e saj në Instagram, dhe një prej tyre duket se e ka prekur paksa, ndaj Klea ka zgjedhur që t’i japë një përgjigje të gjatë.
“A mendon dhe ti që Elgiti u bë i famshëm nga BBV?”, ishte pyetja e ndjekësit, ndërkohë Klea shkruan, “Kur Giti bënte muzikë dhe flinte në studio nga pasioni i madh për vite me radhë për t’u bërë ky që është sot, disa prej jush akoma nuk kishin lindur, jo me ulen para televizionit me telekomandë në dorë apo ekranit të celularit duke thënë shpërfillur ‘he më mori dhe ky famë nga BB’. Askush nuk është rastësisht aty ku është.
Askush nuk i di netët pa gjumë, bërrylat e shumtë, refuzimet e shumta, vuajtjet, përjetimet. Të gjithë shohin fotografi të mëdha Ky artist dhe po të mos ishte partneri im. Është artist me A të madhe, për krijimtarinë, përkushtimin, seriozitetin dhe ndjeshmërinë e artistit që ka. Ka punuar për të qenë aty ku është sot. Nuk ka ndenjur pas celularit duke gjykuar të tjerët”, shkruan ajo.
Kujtojmë që Elgiti ka qenë një nga mbështetësit e Donaldit gjatë “Big Brother VIP”, dhe gjatë kohës që aktori ishte brenda shtëpisë më të famshme kantautori ka publikuar 3 këngët që ka patur në bashkëpunim me të.
Galeria fotografike
