Ministria për Evropën dhe Punët e Jashtme ka njoftuar se Italia ka vendosur që të lehtësojë masat anticovid për të gjitha hyrjet dhe daljet.
Duke filluar nga data 1 mars, udhëtarët që do të shkojnë drejt Italisë nuk do të jetë e nevojshme që të karantinohen.
Të gjithë personat që duan të futen në Itali, mjafton që të kenë certifikatën e vaksinimit me dy doza, ndërsa për ata që nuk janë të vaksinuar, mjafton një test PCR negativ ose certifikata e rikuperimit nga Covid-19.
Ndërkohë autoritetet bëjnë të ditur se formulari online vijon të jetë i detyrueshëm për të gjithë udhëtarët në çdo rast.