22 shkurt 2022, që rastësisht bie të martë, ka shumë rëndësi, por fuqia e të dyve është e diskutueshme.
Ndërsa disa prej nesh presin një gjest madhështor nga universi në mes të sezonit ëndërrimtar të Peshqve, të tjerët shpresojnë për ekuilibër.
Por çfarë duhet të presim saktësisht nga kjo datë? Përpara se të supozojmë se bota ose do të shembet, ose e gjithë jeta juaj do të bjerë në vend pikërisht në orën 2:22, le të hedhim një vështrim dhe të shohim se çfarë do të thotë e gjithë kjo në mënyrë që të mund të kanalizoni energjinë në përputhje me rrethanat.
“Unë nuk mendoj se do të ndodhë ndonjë gjë super e madhe apo e rëndësishme”, pranon astrologja Nina Kahn. “Këto data vijnë rreth energjisë që mund të jetë delikate. Ne mund të zgjedhim të lidhemi me të ose mund të zgjedhim jo”.
CILI ËSHTË KUPTIMI I 22/2/22?
Ngjarjet e astrologjisë së shkurtit janë të shumta dhe tani që dita më romantike e vitit, dita e Shën Valentinit, ka kaluar, njerëzit po i kushtojnë vëmendje momenteve të tjera të rëndësishme. Kjo na çon më 22 shkurt, ditën në të cilën ne besojmë se do të ketë një forcë bashkuese.
“Numri dy simbolizon ekuilibrin, dualitetin dhe harmoninë, kështu që energjia e tij ka të bëjë me bashkëpunimin dhe të qenit në partneritet”, thotë Kahn. “Unë mendoj se energjia unifikuese ndihet vërtet sepse ka të bëjë me gjetjen e bazës së përbashkët”.
SI TË FESTOJMË 22.2.22
Kahn sugjeron manifestimin me një seancë 22-minutëshe të shkrimit të lirë në orën 14:22. Kjo jo vetëm që do t’ju japë qartësinë që dëshironi, por gjithashtu mund të ‘hapë sytë’. “Vendosni synime të prekshme dhe fokusohuni në atë që dëshironi të ndërtoni në jetën tuaj”, tha ajo.
