Ish-fituesi i “Big Brother VIP”, Anaid Kaloti, ka qenë një nga mbështetësit më të mëdhenj të Donald Veshaj, teksa aktori ndodhej brenda shtëpisë së “Big Brother VIP”.
Së fundmi Anaidi ka bërë një status në rrjetin e tij social Instagram, i cili nga mediat sociale u interpretua si një sulm ndaj Donaldit.
“Më vjen mirë që Beatrix nuk ngjan me disa nga ju!” dhe “Meshkuj pa shtyllë kurrizore”, ishin dy nga fjalitë që u keqkuptuan dhe të gjithë menduan se ai tashmë kundër Donaldit, dhe pro Beatrix, duke pretenduar se mes ish-fituesit dhe aktorit diçka kishte ndodhur.
Revista “Bordo” kontaktoi me fituesin për të mësuar se si qëndron e vërteta dhe Anaidi sqaroi se ai status nuk ishte kundër Donaldit, por ndaj të gjithë atyre që atij iu vërsulën kur ai javë më parë deklaroi që lidhja mes Donaldit dhe Beatrixes nuk do të zgjaste jashtë shtëpisë së “Big Brother”.
Anaidi tregoi se ishin të shumta ata që e sulmuan kur ai thoshte hapur mendimin e tij për lidhjen Donald-Beatrix, teksa zbuloi se ka marrëdhënie shumë të mira me aktorin Veshaj dhe asgjë nuk ka ndryshuar mes tyre.
Kujtojmë që këtë të martë Beatrix e hoqi Donaldin nga Instagrami i saj dhe bëri një status ku shkruante, “Fake Stories”, duke konfirmuar në këtë mënyrë ndarjen me aktorin, pas daljes së tij shtëpia më e famshme.
Postimi i Anaid Kalotit:
Kur unë flisja të vërtetën, ju që jeni mësuar të gënjeni veten me hidheshit kundra. Më vjen mirë që Beatrix nuk ngjan me disa nga ju! Në Shqipëri gjen pafund meshkuj pa shtyllë kurrizore, që gjithmonë shënjestrojnë një femër dhe i vënë gishtin në plagë që t’i tregojnë shokëve çfarë ngjyre ka gjaku. Ca të përhumbur, ca të tjerë të përkulur qytetarinë nuk e blen dot lirë, për sa kohë në pazar shiten vetëm produkte fshati.
Galeria fotografike
