Balerini i njohur Ilir Shaqiri duket se ka refuzuar ftesën për të marrë pjesë në emisionin e vëllezërve Veshaj, “Më lër të flas“.
Në një intervistë për “Goca dhe Gra”, ai tha se komunikimi pas Big Brother do të ishte i tepërt, aq më tepër në programin e tij, ku sipas Ilirit do flasë vetëm Donaldi.
“Nuk ka asgjë kundra Donaldit. Përveç një rasti që jemi dëgjuar për punë ftesë nga ana e Donaldit, nuk kemi pasur asnjë komunikim tjetër. Ne kemi folur 136 ditë, dita e 137 do ishte e tepërt, aq më tepër në një program ‘Më lër të flas’, dhe që është e drejtë të flasë ai, kështu që është e kotë që të shkoj”, tha balerini.
Kujtojmë që Ilir Shaqiri dhe Donaldi ishin dy protagonistët kryesorë në shtëpinë “Big Brother VIP”, ku balerini mundi të fitojë.
