Kjo javë është shumë e rëndësishme për anëtarët e familjes mbretërore britanike.
Festimet për Jubileun Platinum të Mbretëreshës Elizabeth II kanë filluar tashmë me Trooping the Color. Por ka edhe një rast tjetër ku anëtarët e familjes mbretërore do të festojnë, duke përfshirë Princin Harry dhe Meghan Markle pasi vajza e tyre, Lilibet, mbush një vjeçe më 4 qershor dhe festa e ditëlindjes së saj thuhet se përfshin disa anëtarë të rëndësishëm të familjes mbretërore.
Sipas “Daily Mail”, Mbretëresha Elizabeth do të takojë Lilbetin e vogël në festën e saj të parë të ditëlindjes këtë fundjavë.
Monarkja, e cila po feston 70-vjetorin në fron, nuk do të marrë pjesë në garën e saj të preferuar në Epsom pasi preferon të shkojë në Frogmore Cottage për të kaluar kohë cilësore me stërmbesën e saj. Vajza e mbretëreshës, Princesha Anna, do të marrë pjesë në ngjarjen sportive në vend të monarkes, duke i dhënë mbretëreshës gjithë ditën që të lidhet me stërmbesën e saj dhe të rilidhet me familjen e Princit Harry.
