Edhe pse të gjithë duam të mbahemi fort pas ditëve të fundit të verës, duket se dalëngadalë vjeshta ka nisur të japë sinjalet e para se po vjen sezoni i saj. Temperatura të paqëndrueshme, shira të vrullshëm, dhe dielli që del beftas na e kanë vështirësuar paksa zgjedhjen e veshjes së përditshmërisë sonë, apo qoftë edhe outfit-in e një darke mes miqsh e njerëzish të zemrës.
Është pikërisht sezoni ku në veshje duam (dhe është e nevojshme) që të jetë prekja dy stinore verë-vjeshtë, pasi krahas pëlhurave të lehta që na bëjnë ta zgjasim edhe pak sezonin e ngrohtë, me surprizat e herëpashershme të motit këtë fundgushti, një këmishë lino, apo një xhaketë e hedhur krahëve kur nis freskon duket se tashmë është domosdoshmëri.
Nëse ju nuk bëni pjesë në kategorinë e njerëzve që kombinimi i veshjeve është pika juaj e fortë, atëherë na lejoni t’ju japim një dorë! Në fakt jo ne, por disa prej emrave të njohur të showbiz-it shqiptar të cilat njihen për shijen e mirë në veshje kanë ndarë me ndjekësit e tyre në rrjete sociale disa ide kombinimesh veshjesh që do t’i shkonin për shtat motit të këtyre ditëve…
Ah, dhe mos harroni të vini çadrën në çantë çdo mëngjes!
Galeria fotografike
