Disa fansa mendojnë se Billie Eilish dhe Jesse Rutherford mund të jenë në një lidhje romantike së bashku.
Këngëtarja e “No Time to Die” dhe vokalisti kryesor i “The Neighborhood” kanë ndezur thashethemet për lidhje pasi së fundmi janë parë duke dalë së bashku në Los Anxhelos. Përdoruesit e mediave sociale fillimisht i panë të dy duke darkuar së bashku në restorantin vegan, Crossroads Kitchen, më 13 tetor, sipas fotove të marra nga TMZ.
Dy ditë më vonë, një përdorues i TikTok ndau një video të Billie, 20 vjeç dhe Jesse, 31, duke ecur së bashku (ku për pak kohë edhe të kapur për dore) ndërsa ishin në “Halloween Horror Nights” në Universal Studios.
Billie Eilish dhe Jesse Rutherford, të cilët nuk i kanë reaguar publikisht në lidhje me thashethemet për lidhje, thuhet se kanë qenë miq për vite me radhë.
Këngëtarja e “Happier Than Ever” u lidh për herë të fundit me aktorin Mattheë Tyler Vorce pasi të dy u panë së bashku në një fundjavë në prill 2021. Para kësaj romance të përfolur, Billie ishte në lidhje me reperin Brandon Quention Adams për gati një vit përpara se të ndahej në 2019.
