Një ngjarje tragjike tronditi Viçencën në Itali, ku një fëmijë 7 vjeçar ka gjetur vdekjen në një aksident thuajse të paimagjinueshëm”: Vogëlushi është mbytur nga tullumbacja me të cilën po luante.
Djali ka qenë në shtëpi me gjyshen e tij. Ai në një moment ka kafshuar tullumbacen, e cila plasi dhe disa pjesë të saj, nga forca e ajrit, i janë përplasur në fyt duke i bllokuar rrugët e frymëmarrjes.
Gjyshja e cila u përpoq më kot t`ia nxirrte vetë copat e tullumbaces, thirri shërbimet e urgjencës, të cilët tentuan ta ndihmonin duke i dhënë ndihmën e parë.
Fëmija u shtrua në spital në gjendje kome, pasi mungesa e oksigjenit në tru i kishte dëmtuar funksionet jetësore dhe dy ditë më vonë mjekët e shpallën të vdekur. Prokuroria e Vicencës, e vlerësoi vdekjen e fëmijës si një aksident fatal, pa përgjegjës.
Kiara humb gati 30 mijë ndjekës në Instagram!
Horoskopi ditor, e enjte 2 mars 2023
Dieta me pak kripë – Cilat ushqime rekomandohen!
Kombinimet sesi të dukesh e veshur “shtrenjtë”!
