KreuStil Jetese

Shakirës nuk i propozoi kurrë; por Pique do të martohet me Clara Chia!

Shakirës nuk i propozoi kurrë; por Pique do të martohet me Clara

Orët e fundit në media po flitet se ish-futbollisti Pique mund të jetë duke menduar të marrë një vendim, në lidhje me të dashurën e tij aktuale, që nuk e ka bërë kurrë në lidhjen e mëparshme me Shakirën. Nëse thashethemet janë të vërteta, mund të jetë një motiv i mëtejshëm që këngëtarja të zemërohet me të. Dhe ndoshta do të kemi edhe një referencë për të në një këngë të ardhshme.

Sipas programit ‘Fiesta’, ish-lojtari e Barcelonës dhe Clara Chia mund të martohen pasi “janë shumë të dashuruar”. Kujtojmë që Pique dhe Shakira, të cilët në lidhjen e tyre 11-vjeçare kishin dy fëmijë, nuk u martuan. Edhe pse në këtë rast mund të ketë të bëjë më shumë me Shakirën sesa me Piquen, pasi këngëtarja nuk ishte pro një dasme, siç e pranoi edhe në disa deklarata të së shkuarës. “Më frikëson shumë. Nuk dua që ai të më shohë si grua, preferoj që ai të më shohë si të dashurën e tij”, tha Shakira më parë.

Gjithçka që ka të bëjë me Pique-n dhe Clara Chia ka qenë një burim zemërimi për Shakirën, siç e ka treguar ajo në tekstet e saj të fundit në ‘BZRP Music Sessions 53’. Kënga është bërë një hit në mbarë botën, duke e bërë ndarjen e saj nga ish-lojtari i Barcelonës një pikë të pashmangshme bisede publike.

Sa i përket Pique dhe Clara Chia, marrëdhënia e tyre po forcohet çdo ditë e më shumë. Ata prej javësh jetojnë së bashku, zyrtarisht, në një apartament që ish-futbollisti ka në një nga zonat më luksoze të Barcelonës.

Se si do të ishte dasma, në programin e sipërpërmendur u zbuluan disa detaje: “Ata flasin mbi të gjitha se si do të dëshironte Clara Chia të ishte dasma e saj. Ajo nuk do që të jetë një dasmë e madhe, ajo e do të jetë diçka shumë private dhe nuk dëshiron që të jetë asgjë më shumë se një lajm”.

Tags:

Home bordo

Bordo No.64
Nëntor 2023

SHKARKO VERSIONIN PDF