Këngëtarja dhe aktorja 29-vjeçare Ariana Grande u komentua shumë në media për gjendjen e saj shëndetësore pasi ajo u shfaq shumë e dobët. Së fundmi me anë të një video në TikTok, 29-vjeçarja ka folur me ndjekësit për komentet që përfshinin trupin e saj dhe problemet e saj të mëparshme shëndetësore.
Grande e filloi videon duke thënë se zakonisht nuk flet për komentet e bëra në rrjet, por këtë herë vendosi të bëjë një përjashtim. “Unë thjesht doja të adresoja shqetësimet tuaja për trupin tim dhe të flisja pak për atë që do të thotë të jesh një person me trup të mirë dhe të të kushtohet kaq shumë vëmendje.
Edhe pse ajo e pranon se disa përdorues të mediave sociale mund të kenë qëllime të mira dhe mendojnë se po bëjnë kompliment, ajo tha se është më mirë të shmangësh diskutimin e trupit të dikujt. “Unë mendoj se duhet të jemi më të butë kur komentojmë mbi trupat e njerëzve, pavarësisht se çfarë themi. Nëse mendoni se po thoni diçka të mirë apo me qëllim të mirë, çfarëdo qoftë ajo, e shëndetshme apo e pashëndetshme, i shëndoshë apo i dobët, kjo apo ajo, seksi apo jo seksi, ne duhet të punojmë vërtet që të mos e bëjmë fare këtë koment. Unë mendoj se ne duhet të ndihmojmë njëri-tjetrin të punojmë drejt të qenit më të sigurt dhe të mbajtjes së njëri-tjetrit më të sigurt”, shtoi ajo.
Ariana u shpreh se pavarësisht se çfarë mund të mendonin disa nga fansat e saj, ajo mendonte se ishte në gjendje më të mirë shëndetësore sesa në të kaluarën. “Unë gjithashtu dua të them vetëm: Ka lloje të ndryshme të bukurisë. Ka shumë mënyra të ndryshme për t’u dukur e shëndetshme dhe e bukur”, ka thënë ajo.
Ajo shpjegoi se në atë kohë që dukej më e shëndetshme, ishte ‘duke përdorur shumë antidepresantë. “Isha duke marrë shumë ilaçet kundër depresionit dhe duke pirë dhe duke ngrënë keq dhe në momentin më të ulët të jetës sime, kur dukesha ashtu si ju e konsideroni të shëndoshë. Por, ajo peshë në fakt nuk ishte e shëndetshme për mua”.
Grande tha se arsyeja pse ajo zgjodhi të diskutonte për problemet e saj shëndetësore të mëparshme ishte sepse donte t’u vinte “në ndihmë edhe të tjerëve”.
♡
E dinit që Alketa Vejsiu ka shkruar një libër?
Horoskopi ditor, e mërkurë 12 prill 2023
Vajza ideale për Kristin sipas Robertit në BBVA!
