Martin Cani, autori i vrasjes së 14-vjeçarit është marrë në pyetje nga grupi hetimor, duke konfirmuar se zënka kishte nisur të premten, më pas kishte vazhduar të hënën brenda ambienteve të shkollës dhe më pas jashtë ku përfundoi në mënyrë tragjike.
“Jemi zënë të premten sepse po më shikonte. E kishim lënë për t’u sqaruar. Pastaj jemi zënë sërish të hënën. Ai lajmëroi shokët, si dhe unë shokët e mi. Gjatë përleshjes, ndodhi ajo që ndodhi”, tha ai.
I pyetur nëse është penduar ai nuk ka pranuar të flasë, ndërkohë që nuk e tregon vendndodhjen e thikës së krimit.
14-vjeçari ka deklaruar se nuk e kishte futur thikën brenda shkollës, por e kishte fshehur pranë saj.
