Cardi B ka deklaruar se bashkëshorti i saj i larguar, Offset e ka ‘ngacmuar’ dhe kërcënuar se do ta vriste atë gjatë një sulmi të ri shpërthyes mes divorcit të tyre të diskutueshëm.
Krijuesja e hitit Bodak Yellow, e cila bëri kërkesë për divorc nga reperi vitin e kaluar në korrik – shkoi në X gjatë fundjavës për të pretenduar gjithashtu se Offset, ka bërë që blogerët ta sulmojnë atë.
Cardi B shkroi, “Ai është i mërzitur sepse i dërgova mesazhet tona të dashurës së tij, ku ai ishte duke më lutur, duke thënë se do t’i jepte fund jetës, duke thënë se do të më merrte jetën”.
Më pas ajo vazhdoi duke pretenduar se ish-i i saj – emri i vërtetë i të cilit është Kiari Cephus – gjithashtu ‘më ngacmon, më lë mesazhe zanore dhe përpiqet të ul vetëvlerësimin tim’.
Pas ndarjes së saj nga Offset vitin e kaluar, Cardi B që atëherë ka qenë e lidhur meStefon Diggs – dhe ajo pretendoi se reperi është përpjekur të ndërhyjë në jetën e saj të dashurisë.
“Ai i dërgoi një mesazh me tekst personit me të cilin po dal se ne kishim kryer marrëdhënie”, pretendoi ajo gjatë postimit. “Ti më ngacmon mua dhe njeriun me të cilin kam të bëj për muaj të tërë”.
Cardi B shtoi, “Nëse ai b***h nuk ndalon së më ngacmuari, do e paguaj. Tani është radha ime.Tani nuk është argëtuese. Tani nuk është kënaqësi kur demoni është brenda… dhe doni të dini se si filloi e gjithë kjo? Kjo filloi sepse ai nxiti miqtë e tij blogerë të më sulmonin.”
Cardi B dhe Offset u martuan në vitin 2017 gjatë një ceremonie private – por ajo paraqiti kërkesën për divorc për herë të tretë nga reperi në korrik 2024.
Në fillim të vitit 2018, thashethemet për tradhëti filluan të qarkullonin, por çifti qëndroi së bashku dhe njoftoi se po prisnin fëmijën e tyre të parë së bashku në prill të atij viti.
Megjithatë, pesë muaj pas lindjes së Kulture, Cardi B njoftoi ndarjen e tyre në dhjetor 2018.
Vitin tjetër, të dy u ribashkuan dhe në shtator 2020, ajo zbuloi se mund të kishte ‘dramë’ në marrëdhënien e tyre gjatë bisedës me Elle.
Në të njëjtin muaj, ajo bëri kërkesë për divorc – i cili u anulua disa muaj më vonë në nëntor.
