Gjatë një interviste për revistën British Vogue në numrin e korrikut, ylli i muzikës pop, Dua Lipa, foli për dëshirën e saj për të pasur fëmijë në të ardhmen. Ajo tha se shpesh e pyet veten se cili do të ishte momenti më i përshtatshëm për këtë hap në jetën e saj. “Do të doja shumë të kisha fëmijë një ditë, por gjithmonë mendoj: kur do të ishte koha e duhur, si do të ndikonte kjo në punën time, çfarë do të ndodhte nëse shkoja në turne dhe sa kohë do të më duhej për pushim,” – rrëfeu ajo për revistën.
“Është diçka që do të ndodhë kur të ndodhë. Më pëlqejnë shumë fëmijët, por të rritësh një fëmijë është shumë më tepër sesa thjesht të duash fëmijët,” shtoi këngëtarja.
Në pjesën tjetër të intervistës, Dua Lipa konfirmoi fejesën e saj me aktorin Callum Turner, 35 vjeç. “Po, jemi të fejuar dhe është shumë emocionuese,” u shpreh ajo. Ajo tregoi se unaza e fejesës u zgjodh pasi Turner konsultoi motrën dhe shoqet më të ngushta të Lipës.
“Jam e dashuruar me të. Është shumë për mua. Është një ndjenjë e veçantë të dish që personi me të cilin do të kalosh pjesën tjetër të jetës tënde të njeh mirë,” tha ajo.
Dua Lipa ka publikuar në Instagram disa foto ku shfaqet me unazën e diamantit në gishtin e saj të unazës, duke konfirmuar lajmin e fejesës.
