Këngëtarja e mirënjohur Eranda Libohova ka qenë e ftuar së fundmi te “rudina” dhe ka folur për jetën e saj personale dhe profesionale.
Gjatë bisedës ajo u pyet edhe për kujtimin më të bukur që i vjen ndërmend me nënën e saj të ndjerë, dhe këngëtarja veçoi kur ka kënduar një këngë me të dhe videoja u bë shumë virale.
“Kam shumë momente, por një ndër ato që ka mbetur dhe që është edhe në internet është një këngë që unë kam kënduar me të dhe u bë shumë virale, e shpërndanë shumë faqe të tjera.
Kam kënduar me mamin, e pata përqafuar dhe kënduam një këngë të dyja. Ajo ka mbetur dhe herë pas here më del në Instagram. Është një kujtim shumë i bukur. Kujtime me prindin kemi plot por janë disa gjëra që janë rrinë gjithmonë aty dhe të dalin”, tha Eranda
