Autorja e Big Brother VIP Kosova, Olsa Muhameti, foli se fundi në një intervistë për ngjarjet që ndodhen brenda shtëpisë pas hyrjes së Atilla Kardesh, dhe lajmeve qe qarkulluan se ai akuzohej për dhunë në familje nga ish-bashkëshortja e tij, Drenusha Latifi.
Olsa pretendon se ka parë dokumentet ligjore dhe sipas saj, ligjërisht Atilla nuk e kishte dhunuar Drenushën. Autorja tha se për sa kohë që Drenusha nuk kishte kërkuar largimin e Atillës nga reality show, të gjitha palët ishin dakord me pjesëmarrjen e tij.
“U shqetësova, por nuk kisha frikë sepse nuk ishte e vërtetë ajo që po thuhej. Pra unë pashë dokumentet ligjore, ligjërisht Atilla nuk e kishte dhunuar Drenushën. Në momentin që Drenusha nuk e kërkonte largimin e Atillës, të gjitha palët ishim shumë okej.”-tha ajo.
Gjithashtu, ajo tregon se sa para fiton produksioni nga sms dhe votat e publikut.
“Një televotim i fortë, jo finalja, por një përballje e rëndësishme brenda lojës mund të sjellë deri në 150,000€ – 200,000€ vetëm nga SMS-të e votuesve” deklaroi Olsa Muhameti.
