Álvaro Morata dhe Alice Campello kanë bërë paraqitjen e tyre të parë publike së bashku pas ribashkimit, duke konfirmuar se po jetojnë një kapitull të ri në marrëdhënien e tyre.
Çifti mori pjesë në prezantimin e La Plaza NEW në Madrid, ku pozuan për herë të parë para fotografëve që pas rikthimit së bashku. Ata u shfaqën të buzëqeshur, të afërt dhe të relaksuar, duke reflektuar harmoninë e re mes tyre.
Gjatë eventit, Morata foli shkurtimisht për periudhën e vështirë që ka kaluar, duke u shprehur: "Kam përjetuar shumë gjëra të reja me të cilat nuk isha mësuar, por jam krenar për mënyrën se si i kam përballuar. Duhet të mësosh nga çdo përvojë, edhe kur nuk është pozitive."
Nga ana tjetër, Alice Campello e përshkroi periudhën e fundit si një fazë ndryshimesh të rëndësishme në jetën e tyre: Kam përjetuar një zhvendosje dhe një kapitull të ri të jetës sonë në Milano.
View this post on Instagram
Gjatë gjithë mbrëmjes, Morata dhe Campello qëndruan pranë njëri-tjetrit, duke shkëmbyer buzëqeshje dhe të afërta, detaje këto që tashmë konfirmojnë se cifti kanë lënë pas periudhën e ndarjes dhe janë të përqendruar në ndërtimin e së ardhmes së tyre së bashku.
