Suri, vajza e Tom Cruise dhe Katie Holmes, ka zyrtarizuar ndryshimin e emrit të saj, duke hequr mbiemrin “Cruise” dhe duke zgjedhur të identifikohet si Suri Noelle. Emri “Noelle” vjen nga emri i mesëm i nënës së saj.
Sipas regjistrave publikë të votuesve në Pensilvani, ajo figuron tashmë me emrin e ri, duke konfirmuar se ndryshimi është bërë edhe ligjërisht.
Megjithëse Suri e kishte përdorur emrin “Suri Noelle” që gjatë ceremonisë së diplomimit nga shkolla e mesme në vitin 2024, tani ai është bërë edhe zyrtarisht pjesë e identitetit të saj.
Deri më tani, as Suri dhe as prindërit e saj nuk kanë reaguar publikisht për këtë vendim. Megjithatë, ajo nuk është rasti i vetëm në botën e të famshmëve. Edhe disa nga fëmijët e Brad Pitt kanë zgjedhur të mos përdorin më mbiemrin e babait pas ndarjes së prindërve.
