KreuStil Jetese

Pajisja me ID brenda 3 ditësh! Ja sa kushton!

Pajisja me ID brenda 3 ditësh! Ja sa kushton!

Pajisja me kartat e identitetit tashmë do të jetë e mundur për vetëm 3 ditë, nga 14 që ka qenë më herët. Lajmi është dhënë nga IdentiTek, kompania shtetërore e prodhimit të dokumenteve biometrike, duke sjellë një shërbim të ri për qytetarët shqiptarë.

Falë këtij shërbimi, përmes një pagese prej 3 mijë lekësh, çdo qytetar mund të pajiset me letërnjoftim elektronik brenda 3 ditësh.  “Procedura e përshpejtuar është veçanërisht e dobishme për emigrantët, të cilët qëndrojnë për pak ditë në Shqipëri, si edhe për të gjithë ata që kanë nevojë të marrin shpejt kartën e tyre të identitetit, qoftë për arsye personale, profesionale apo administrative”, thuhet në njoftimin e kompanisë.  

Aplikimi kryhet në çdo zyrë IdentiTek në të gjithë Shqipërinë.

Procedura është e thjeshtë:

·         Blini kuponin (me procedurë të përshpejtuar);

·         Merrni me vete dokumentin e vjetër ose vetëdeklarimin e humbjes/vjedhjes nga e-Albania;

·         Bëni aplikimin në një nga zyrat e IdentiTek;

·         Tërhiqni kartën e re po aty ku keni bërë aplikimin.

Bordo No.65
Dhjetor 2023

SHKARKO VERSIONIN PDF