Të martën më 3 maj, e gjithë bota kishte sytë e kthyer drejt Kubës, ku shtëpia Chanel po prezantonte koleksionin e saj pranverë 2016-2017. Hera e parë për markën luksoze franceze, që nuk kishte bërë kurrë sfilatë në Amerikën Latine.
Në Paseo del Prado, arterja e zemrës së Havanës, rreth 500 persona të ardhur nga e gjithë bota morrën pjesë në këtë show të pazakontë. Në ballkonet e shtëpive përreth, ishte grumbulluar një publik kubanez krejtësisht i pushtuar. Ndërsa brenda perimetrit të sigurisë, mund të kryqëzonit yje si Tilda Swinton, Vanessa Paradis, Gisèle Bündchen madje edhe Vin Diesel, që ndodhet aty për xhirimin e “Fast and furious 8”.
Ndërsa në podium. I gjatë si një fjalim i Fidel Castro në kohët e tij të lavdishme, Karl Lagerfeld paraqiti vizionin e tij të një Kube imagjinare, të endërrave, një propozim mode i inspiruar nga estetika e vjetëruar e kësaj Havane që ka mbetur në esencën e saj.
Ngjyrat, pastel i këndshëm, janë rikthyer si një leitmotiv i këtij koleksioni acid, perfekt për t’u nisur për në kroçerë. Por, u shfaqën gjithashtu roba apo kostume banje të stampuara me veturat emblematike të viteve ’50.
Diku vihej re një beretë gevariste e modifikuar. Shpesh kishte motive gjethesh palmash të qëndisura apo një lule tropikale gati për të çelur. Veshje të gëzueshme dhe inspiruese, me një ambient tradicional dhe tingujt e një orkestre rumba të jashtëzakonshme. Viva Cuba!
Zbulohen tre vëllezër të Tokës!
Ditë historike për Kosovën! Pranohet në UEFA
Verë 2016: Rrobat e banjës që ju inspirojnë!
Unazat e martesës… po sikur të zgjidhni ngjyrat?
Çokollata… Një ushqim i domosdoshëm në mëngjes!
Këshilla për një lëkurë çokollatë
Buzët e kuqe: Një simbol i joshjes absolute!
Porsche 718 Cayman: Rikthim në origjinë!
Takat elegante që ju duhen këtë sezon
Aston Martin Vantage GT8: Nga pista në rrugë!
Kujt do t’i shkojë pasuria e Prince?
Shtatë mënyra për të përmirësuar shëndetin
