Kur flasim për veshjen, kombinimi mbetet gjithmonë një temë për të cilën mund të flasësh shumë. Tashmë, nuk ka më justifikime mbi pamundësinë për të ndryshuar pamjen e jashtme gjatë ditës – temperaturat sa vijnë e rriten, dhe kjo nuk është gjë tjetër, veçse një arsye e mirë për t’u paraqitur ndryshe, qoftë në mëngjes apo në darkë. Ashtu sikurse koha e kaluar pranë bregdetit kërkon vëmendje të vëçantë, po aq e rëndësishme është dhe veshja e përzgjedhur për në qytet. Fustanet, bluzat me shpatulla zbuluar, pantallonat verore të gjera, pak xhins: janë të gjitha këto elementet e një paraqitje plot stil e sharm. Nuk është kurrë vonë për t’i shtuar ngjyra garderobës tuaj, ashtu sikurse do të mbetet gjithmonë e preferueshme rëndësia që i kushtoni detajeve. Duke filluar që nga këpucët, e deri tek aksesorët e ndryshëm, ne ju prezantojmë në galeri me 10 kombinimet më të fundit për këtë sezon. Dhe të jeni të sigurt – çfarë do të shihni nuk ka të bëjë aspak me atë çfarë ju kemi sugjeruar deri tani. Jeni gati për një ndryshim total në ditët në vijim?
