Ai është shprehur kohët e fundit se karriera muzikore ka ndikuar për keq në shëndetin e tij mendor: “Kjo punë është mjaft e dëmshme për shëndetin tim, dhe thuajse po më vret.”
Këngëtari 43-vjeçar, iu bashkua bandës muzikore “Take That” si një 16- vjeçar, për t’u larguar më pas në vitin 1995. Ndërsa Robbie ka pasur një karrierë jashtëzakonisht të suksesshme si me grupin – të cilit ai u ribashkua nga viti 2009 deri në vitin 2012 – dhe si artist solo, ai nuk mendon se beteja e tij me sëmundjen mendore do të kishte qenë aq e ashpër sikur të mos ishte për famën.
“Depresioni ka qenë i pranishëm në familjen time”, shton 17 herë fituesi i British Awards, “Unë nuk e di nëse do të isha kaq i sëmurë mendërisht, po të mos ishte për famën. Kur jeni i famshëm, ju kaloni në lupën e vëmendjes botërore dhe të metat tuaja gjithashtu zmadhohen kur kalojnë në të”.
Robbie i beson gruas së tij, aktores amerikane, Ayda Field 38 vjeçe, me të cilën ai u martua në 2010 dhe që ka dy fëmijë Theodora-n katër vjeçare, dhe Charlton-in dyvjeçar, në frenimin e dëshirave të tij shkatërruese, duke shtuar: “Ajo ka zgjuarsinë që të dijë si të mos mbytet anija, ndërsa unë dua që anija të mbytet, vetëm për t’a parë se si duket “.
Joeli nis kopshtin, si e uroi Ami?
Miriam Cani rikthehet në Voice!
Pse u nda Vanessa Hudgens nga Zac Efron?
