Është përfolur shumë ndarja e mundshme e këngëtares Tuna Sejdi nga partneri Patris Berisha, sidomos me zhvendosjen e saj në Shkup, nga Prishtina, ku jetonin të dy bashkë me djalin e tyre Tian.
Po ashtu, Tuna nuk e ndjek Patrisin në rrjetet sociale, dhe as profili i djalit të saj.
Megjithatë, Tiani dje ka mbushur 7 muaj që nga ardhja në jetë, dhe normalisht si mamaja, ashtu edhe babai i tij e kanë ndarë këtë gëzim në Instagram.
Së pari, bie në sy që Patris Berisha postoi në Instastory të njëjtën foto si Tuna, pak më vonë se ajo.
Përveç kësaj, ai ka postuar edhe në Instagram një foto të familjes së tyre, pra Patrisi, Tuna dhe Tiani, të buzëqeshur dhe të lumtur.
Kjo mund të jetë një përpjekje e tij për ta bashkuar sërish familjen, dhe një përpjekje mjaft publike, duhet thënë.
Megjithatë, Tuna nuk ka reaguar, dhe vazhdon të mos e ketë Patrisin në Instagram, ndonëse ai e ka.
